Teko pata hai tu mera best friend kyu hai?

Kyuki jab sab galat ho raha hota hai na,

Mai solution nahi dhoondta hu,

Mai speed dial pe tera naam dhoondta hu..

Tere saath free ka sukha puri khaata hu na,

Toh lagta hai sab sahi ho jaiga.

Meri philosophy bhi tere se hai, aur rationale bhi,

Meri growth bhi terese hai, aur emotion bhi.

Kitne alag hai yaar hum,

Parr tere disagreement mein hi mera comfort zone hai..

Yaar roz koi problem khadi ho jaati hai,

Parr yeh sab bakchodi mein ek hi relief hai,

Ki 30 saal baad bhi mai tere se zyaada fit rahunga,

Ki waqt ke saath tujhe aur awkward karunga,

Ki tere bachhe ko ashleel cheezein sikhaunga..

Pata hai,

Mai kabhi kabhi sochta hu,

Ki tere mein kuch khaas nahi hai,

Parr do din tera phone nahi aaye na,

Toh sochta hu itna kya khaas busy hai..

Tu aina hai mera,

Tu hi mera Sandeep Maheshwari hai,

Tu hi critic,

Tu hi competitor hai..

Tere hone se Missal thoda teekha hai,

Aur tere se hi gham mein bhi hassi hai..

Ab tu bolega ladki nahi hai toh mai fukat yeh sab likh raha hu,

But mujhe yeh pata hai ki teri jaan bhi mujhme atki hai,

Aur yahi humaari dosti hai.